Фадзееў шмат год жыве ў Чэхіі. З кастрычніка 2014-га па травень 2016 году ён неаднаразова выяжджаў у Данбас з мэтай падтрымкі сэпаратысцкіх груповак і служыў ва ўзброеных сілах аднаго з сэпаратысцкіх утварэньняў.
Суд першай інстанцыі асудзіў яго за гэта на 4,5 года пазбаўленьня волі. Тады судзьдзя палічыла, што Фадзееў ня браў удзелу ў баях і вёў толькі дапаможную працу. Аднак пракуратура абскардзіла гэтае рашэньне.
Абарона беларуса настойвала, што зь яго трэба зьняць абвінавачаньні, бо ён, як сьцьвярджаецца, ня ўдзельнічаў у баях на перадавой. Сьцьвярджалася, што Фадзееў паехаў ва Ўкраіну для абароны мірнага насельніцтва.
